LIVE TV
വിജയ് നായകനാകുന്ന പുതിയ ചിത്രം ഗോട്ടിലെ രണ്ടാമത്തെ ഗാനം കഴിഞ്ഞ ദിവസ്സം പുറത്തിറങ്ങിയിരുന്നു. ചിന്ന ചിന്ന കൺകൾ' എന്ന് തുടങ്ങുന്ന ഗാനം ഇളയരാജയുടെ മകളും അന്തരിച്ച ഗായികയുമായ ഭവതാരിണിയുടെ ശബ്ദത്തിനൊപ്പം നടന് വിജയ്യും ചേര്ന്നാണ് പാടിയിരിക്കുന്നത്. വിജയ്യുടെ പിറന്നാൾ ദിനത്തോട് അനുബന്ധിച്ച് പുറത്തിറങ്ങിയ ഗാനം 24 മണിക്കൂറിനുള്ളിൽ യൂട്യൂബിൽ ഗ്ലോബൽ ചാർട്ടിൽ ഇടം നേടിയിരിക്കുകയാണ്.
ഗാനം പുറത്തിറങ്ങി 24 മണിക്കൂറിനുള്ളിൽ 4.5 ദശലക്ഷം ആളുകളാണ് കണ്ടിരിക്കുന്നത്. ഒപ്പം 500 K യിലധികം ലൈക്കുകളും ഗാനത്തിന് ലഭിച്ചിട്ടുണ്ട്. അർബുദത്തെ തുടർന്ന് മരിച്ച ഭവതാരിണിയുടെ ശബ്ദം എഐ സാങ്കേതിക മികവ് ഉപയോഗിച്ചാണ് രൂപപ്പെടുത്തിയത്.
ഇളയരാജയുടെ മകളും തെന്നിന്ത്യൻ പിന്നണി ഗായികയുമായ ഭവതാരിണി ജനുവരി അഞ്ചിന് കരളിലെ അർബുദത്തെ തുടർന്നാണ് മരണപ്പെട്ടത്. ഗായികയ്ക്ക് ആദരസൂചകമായാണ് എഐ സാങ്കേതിക മികവ് ഉപയോഗിച്ച് ഗാനത്തിൽ ഭവതാരിണിയുടെ ശബ്ദമുപയോഗിച്ചിരിക്കുന്നത്. കബിലൻ വൈരമുത്തുവിന്റെ വരികൾക്ക് സംഗീതം നൽകിയിരിക്കുന്നത് യുവനാണ്.
'റെജീനയും കീര്ത്തനയും പാരലല് വേള്ഡില് ഒന്നിച്ചു'; വൈറലായി ചിത്രങ്ങള്ഒരു സയൻസ് ഫിക്ഷൻ ഡ്രാമയാണ് വിജയ് നായകനാകുന്ന ഗോട്ട്. നടൻ ഡബിൾ റോളിൽ എത്തുന്ന സിനിമ സെപ്തംബർ അഞ്ചിനാണ് റിലീസ് ചെയ്യുന്നത്. മീനാക്ഷി ചൗധരി, സ്നേഹ, ലൈല, ജയറാം, പാർവതി നായർ, പ്രേംജി, വൈഭവ് തുടങ്ങിയവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു. കെ ചന്ദ്രുവും ഏഴിലരശ് ഗുണശേഖരനുമാണ് തിരക്കഥ എഴുതുന്നത്. ഛായാഗ്രഹണം നിര്വഹിക്കുന്നത് സിദ്ധാര്ഥയാണ്. വെങ്കട് പ്രഭുവിന്റെ ഈ ചിത്രത്തിനായി വിജയ് ആരാധകരും പ്രേക്ഷകരും ഏറെ ആകാംക്ഷയോടെയാണ് കാത്തിരിക്കുന്നത്.
